| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Antoni Grabowski | La lasta rozo | Esperanto | Arg-1059-531 | 2010-03-28 21:24 Manfred | nur tiun forigu | |
| Clarence Bicknell | La lasta rozo | Esperanto | Arg-1060-531 | 2014-02-15 14:00 Manfred | nur tiun forigu | |
| Friedrich Wilhelm Riese | Letzte Rose | Germana | Arg-1061-531 | 2010-03-29 02:00 Manfred | nur tiun aldonu | |
| Thomas Moore | * ’T is the Last Rose of Summer | Angla | Arg-1058-531 | 2010-03-28 21:25 Manfred | nur tiun aldonu |
Thomas Moore, | Thomas Moore, | |
| tradukita de Antoni Grabowski | tradukita de Clarence Bicknell | |
| kun ok-liniaj strofoj | kun ok-liniaj strofoj | |
| Jen floras sola, forlasita | Jen la lasta rozeto | |
| La lasta rozo de l' somero, | de fora somer'! | |
| Dum ĝia ĉarma gefrataro, | Ĝiaj belaj kunuloj | |
| Velkinte kuŝas jam sur tero. | jam velkis sur ter'! | |
| Ne estas ia flor' parenca, | Ne restas parenco, | |
| Nek roz-burĝono en proksimo, | ne unu rozflor' | |
| Por interŝanĝi la ridetojn | Partoprenas kompate | |
| Aŭ la sopirojn, laŭ kutimo. | en ĝia dolor'. | |
| Mi vin ne lasos, ho soleca, | Mi ne lasos vin velki | |
| Ĉagrene sur trunketo brili; | tutsola, ho roz'. | |
| Ĉar la karuloj viaj dormas, | Iru dormi kun ili | |
| Do iru, dormu vi kun ili! | en paca ripoz'. | |
| Foliojn viajn mi afable | Nun viajn petalojn | |
| Disĵetas sur bedeto jena: | disĵetas mi for | |
| Vi kuŝu apud senaroma, | Al viaj kunuloj | |
| Malviva kunular' ĝardena! | sen viv', sen odor'. | |
| Mi tiel sekvu, kiam pasos | Tiel same volonte | |
| De l' amikeco flor' fidela, | formortus mi mem, | |
| Kaj el brilanta amo-ringo | Se ne plu min atendus | |
| Elfalos lasta ŝton' juvela. | amika manprem'. | |
| Ĉar kiam velkis veraj koroj, | Ĉar kiu kun koro | |
| Sentemaj flugis for el rondo, | en tiu ĉi mond' | |
| Ho, kiu volus tiam loĝi | Volus loĝi izola | |
| Solece en malvarma rondo? | sen amo-respond'? | |
| Traduko de la Angla poemo "’T is the Last Rose of Summer " de Thomas Moore (*1779-05-28 - †1852-02-25) en Esperanton de Antoni Grabowski (*1857-06-11 - †1921-07-04). Tiun ĉi poem-tradukon mi, Manfred Retzlaff, kopiis el la retejo http://www.netlibrary.net/eBooks/Wordtheque/eo/221211.TXT. | Traduko de la Angla poemo "’T is the Last Rose of Summer " de Thomas Moore (*1779-05-28 - †1852-02-25) en Esperanton de Clarence Bicknell (*1842-10-27 - †1918-07-17). Mi, Manfred Retzlaff, trovis tiun ĉi poem-tradukon en folio kun kantoj prezentitaj dum la 12a jarkunveno de Germana Esperanta Fervojista Asocio (GEFA), la 12-an de oktobro 1968. Pri la tradukinto vidu la retejon http://eo.wikipedia.org/wiki/Clarence_Bicknell. |