| eksporti for presado: vertikala formato (PDF) kverformato (PDF) | montru ĉiujn eksport-formatojn |
| verkinto [voknomo] | titolo | lingvo | publikigo | identiga kodo | lasta modifo | aspekto |
|---|---|---|---|---|---|---|
| Clarence Bicknell | * Soneto | Esperanto | Arg-1952-970 | 2014-02-15 20:57 Manfred | nur tiun forigu |
Clarence Bicknell, |
| En ĝardeneto sola rozo floris: |
| Ĉe l' norda land' ne kreskis roz' pli bela; |
| Nenio en naturo pli odoris; |
| Ĝarden' nenia estis tiel hela. |
| Dancadis ĉiam apud ĝi fraŭlinoj; |
| Poetoj lertaj laŭdi ĝin ne ĉesis |
| Kaj sub la lumo pala la feinoj |
| Akvumis ĝin kaj l' ombron eĉ karesis. |
| Senzorga, ve! la ĝardenist' fariĝis! |
| Fraŭlinojn kaj feinojn li formetis; |
| Raŭpar', pro senpluveco, amasiĝis, |
| Kaj sin sur floron kaj foliojn ĵetis. |
| Di' gardu ĉion! Helpon se ne portas |
| Ĉielo, la plej bela floro mortas! |
| Verkinto de tiu ĉi Esperanta poemo estas Clarence Bicknell (*1842-10-27 - †1918-07-17). Tiu ĉi poemo troviĝas en la retejo http://eo.wikisource.org/wiki/Soneto_(Bicknell). Pri la poeto vidu la vikipedian retejon http://eo.wikipedia.org/wiki/Clarence_Bicknell. |